Su anbarları evlərdə, müəssisələrdə və sənaye obyektlərində içməli və texniki suyun saxlanılması üçün istifadə olunur.
Tez-tez krandan gələn suyun lilli olduğunu görübsünüz. Buna səbəb su anbarının çirkli olmasıdır. Zamanla anbarlara çöküntü, palçıq, yosun və mikroorqanizmlər toplanır. Suya dəmir boruların pası da qarışır. Bu da içməli suyun zəhərlənməsinə və ciddi sağlamlıq problemlərinə səbəb ola bilər. Həmçinin, anbar divarlarında yosun və palçıq qatının yaranması suyun dadını və iyini dəyişə bilər.
Eləcə də çirk nasosları sıradan çıxarır və boruları tıxayır. Mənzillərdə su ilə çalışan – paltaryuyan, qabyuyan, su qızdırıcı kimi məişət texnikasının və su borularının daxili səthlərinə kirəc yığılıraq keyfiyyətli çalışmasına əngəl olur və sıradan çıxarır.
Bu səbəbdən su anbarının müntəzəm təmizliyi həm sağlamlıq, həm də avadanlıqların uzunömürlülüyü baxımından son dərəcə vacibdir.

Çirkli su anbarının səbəb olduğu təhlükəli xəstəliklər

Aşağıda çirkli su anbarlarından keçə biləcək əsas xəstəliklər qeyd olunub:
Tifo qızdırması (yüksək hərarət, qarın ağrısı, halsızlıq, ishal və ya qəbizlik kimi əlamətlər), dizenteriya (qanlı və selikli ishal, qarın ağrısı, yüksək hərarət və s.), hepatit A və E (zəiflik, sarılıq, iştahsızlıq, ürəkbulanma), qurd xəstəlikləri (qarın ağrısı, arıqlama, qidalanma pozğunluğu), leptospiroz (hərarət, əzələ ağrısı, baş ağrısı, qaraciyər zədələnməsi), xolera (sulu və çox tez-tez ishal, susuzlaşma, ölümcül ola bilər), norovirus və rotavirus infeksiyaları (qusma, ishal, qarın ağrısı – xüsusilə uşaqlarda yaygındır)

Təmizlik necə aparılmalıdır?

Su anbarının təmizliyi xüsusi avadanlıqlarla və təcrübəli mütəxəssislər tərəfindən aparılmalıdır. Əvvəlcə su tamamilə boşaldılır, daha sonra anbarın divarları, tavanı və dibi yüksək təzyiqli su ilə yuyulur. Sonra dezinfeksiyaedici maddələrlə dezinfeksiya edilərək təmizləmə prosesi tamamlanır.
Sonra anbara su doldurulur. Bu suyun təmizliyi test olunur və istifadəyə verilir.
Qanunvericiliyə əsasən, su anbarları ildə ən azı 2 dəfə təmizlənməlidir. Əks halda, cərimələr və digər inzibati tədbirlər tətbiq oluna bilər.
Su anbarlarını vaxtında təmizləmək həm cibiniz, həm də sağlamlığınız üçün önəmlidir.
Su anbarınızı peşəkar şəkildə təmizlətmək istəyirsinizsə, bizə müraciət edin.