Restoranlarda və digər xidmət sahələrində tüstünün baca vasitəsilə havaya çıxması üçün manqaldan istifadə olunur.
Manqal bacalarının düzgün quraşdırılması, mütəmadi servisi və təmizliyi həm müştəri məmnuniyyəti, həm də təhlükəsizlik baxımından olduqca vacibdir. Bu proseslər restoranın fəaliyyətinin fasiləsiz və təhlükəsiz davam etməsi üçün əsas şərtlərdən biridir.
Manqal bacalarının quraşdırılması
Restoranlarda manqal və qril sistemləri xüsusi baca qurğuları ilə birlikdə işləməlidir. Bacanın düzgün quraşdırılması üçün peşəkar xidmətə müraciət olunmalıdır. Quraşdırılma zamanı istifadə edilən materialların istiliyədavamlı və yanğına qarşı dayanıqlı olması önəmlidir. Həmçinin, bacanın hava axını düzgün tənzimlənməli, qoxu və tüstü binanın daxilinə yayılmamalıdır. Bu həm sanitariya, həm də yanğın təhlükəsizliyi baxımından vacibdir.
Baca servisi və texniki baxış
Manqal bacalarının servisi ildə ən az 1-2 dəfə aparılmalıdır. Servis zamanı baca daxilindəki filtr sistemləri, ventilyasiya kanalları və hava çıxışı yoxlanılır. Əgər sistemdə hər hansı bir nasazlıq varsa, bu, tüstünün geriyə dönməsinə, alovlanmaya və yanğına səbəb ola bilər. Servis xidməti həm də enerjidən qənaətli istifadə üçün vacibdir, çünki çirkli və tutulmuş baca havalandırma sisteminin daha çox enerji sərf etməsinə səbəb olur.
Baca təmizliyinin əhəmiyyəti
Manqal bacalarında zamanla yağ qalıqları, tüstü qatı və digər tullantılar toplanır. Bu, yanğın riskini artırır və restoran daxilində pis qoxuların yayılmasına səbəb olur.
Bacanın yükü davamlı olaraq yüksək olduğundan və yanma məhsulları yağlarla birləşdiyi üçün daimi qulluq tələb olunur. Müntəzəm texniki qulluq və təmizliyə laqeyd yanaşmaq faciələrə yol aça bilər.
Təmizlikdən öncə manqal söndürülməlidir. Avadanlıqlar tamamilə soyuq halda olduqda təmizlik işinə başlanılır. Əvvəlcə bacaya hərtərəfli baxış keçirilir. Tüstü kanalında his və yığıntılar göründükdə manqal təmizlənməlidir. Təmizləmə tezliyi manqalın istifadə tezliyindən və intensivliyindən asılıdır.
Vaxtında təmizlənən baca sizi əlavə xərclərdən azad edir, elektrostatik filtrlərin, mühərriklərin sıradan çıxmasının qarşısını alır.
Bacaların təmizlənməsi həm müştəri təəssüratını, həm də gigiyena səviyyəsini yüksəldir.
Təmizlik prosesi peşəkar texnika və kimyəvi vasitələrlə aparılmalıdır.
Peşəkar xidmət
Restoranlarda manqal bacalarının peşəkar şəkildə quraşdırılması, servis edilməsi və təmizlənməsi restoranın həm funksionallığı, həm də təhlükəsizliyi üçün əvəzolunmazdır. Əgər siz də restoranınızın bacasının təhlükəsiz və effektiv işləməsini istəyirsinizsə, bu sahədə ixtisaslaşmış mütəxəssislərə müraciət etməyi unutmayın.
Biz də şirkət olaraq restoranlarda hər növ bacaların quraşdırılması, servisi və təmizliyini həyata keçiririk. Biznesinizin təhlükəsiz və məhsuldar olması üçün bizi seçin.
